Saturday, March 5, 2016

ငြိမ်းချမ်းရေးဖြစ်စဉ်တွင် ဆက်ဆံရေးရုံးအခန်းကဏ္ဍ အရေးကြီးဟု KNU ဥက္ကဌ ပြောကြား

Written by  |   |  Published in:  |  No comments  
တိုင်းရင်းသားလက်နက်ကိုင်အဖွဲ့အစည်းများနှင့် အစိုးရတို့အကြား ဆောင်ရွက်နေကြသော ငြိမ်းချမ်းရေးဖြစ်စဉ် တွင် ဆက်ဆံရေးရုံးအခန်းကဏ္ဍသည် အရေးကြီးကြောင်း ကရင်ပြည်နယ် ဖားအံမြို့တွင် ယနေ့ စတင်ကျင်းပ သည့် ဆက်ဆံရေးရုံးဖွင့်လှစ်ခြင်းဆိုင်ရာ အလုပ်ရုံဆွေးနွေးပွဲ(Workshop)တွင် ကရင်အမျိုးသားအစည်းအရုံး (KNU) ဥက္ကဌ ဗိုလ်ချုပ်ကြီး စောမူတူးစေးဖိုးက ပြောကြားလိုက်သည်။
“ကျနော်တို့ ငြိမ်းချမ်းရေးတည်ဆောက်တဲ့ နေရာမှာ ဆက်ဆံရေးရုံးက အရေးကြီးပါတယ်။
ဘာဖြစ်လဲဆိုတော့ ဒီအပစ်အခတ်ရပ်စဲရေး အချိန်အခါမှာ မဖြစ်သင့်၊ အဖြစ်အပ်တဲ့ ထိတွေ့မှု ဖြစ်လာနိုင်တယ်။ အဲဒီလို ထိတွေ့မှု ဖြစ်လာမယ်ဆိုရင် ဆက်ဆံရေးရုံးကနေတဆင့် ချက်ချင်းပြဿနာတွေကို ကျနော်တို့က တွေ့ဆုံဆွေးနွေး ပြီးတော့ ဖြေရှင်းနိုင်ဖို့ ဖြစ်ပါတယ်”ဟု ဗိုလ်ချုပ်ကြီး စောမူတူးစေးဖိုးက ထိုအလုပ်ရုံဆွေးနွေးပွဲ အဖွင့်မိန့်ခွန်းတွင် ပြောကြားခဲ့သည်။
အဖွဲ့အစည်းအများစုသည် လက်ရှိတွင် ဆက်ဆံရေးရုံးဖွင့်လှစ်ထားပြီး ရှေ့ဆက်လုပ်ငန်းတွေ လုပ်ဆောင်နေ ကြကာ ထိုသို့ လုပ်ဆောင်တဲ့နေရာ၌ ရှေ့ဆက်လုပ်ငန်းများနှင့် ပတ်သက်၍ မည်သို့ လုပ်ဆောင်သွားရမည်ကို ယခုအလုပ်ရုံဆွေးနွေးပွဲတွင် ဆွေးနွေးအကြံပြုသွားကြရန်လည်း သူက တိုက်တွန်းခဲ့သည်။
မတ် ၃ ရက်မှ ၅ ရက်နေ့အထိ ပြုလုပ်သွားမည့် ၎င်းအလုပ်ရုံဆွေးနွေးပွဲတွင် KNU အပါအဝင် ချင်းအမျိုးသား တပ်ဦး(CNF)၊ ကရင်နီအမျိုးသားတိုးတက်ရေးပါတီ(KNPP)၊ သျှမ်းပြည်တိုးတက်ရေးပါတီ/သျှမ်းပြည် တပ်မတော်(RCSS/SSA)၊ ဒီမိုကရေစီအကျိုးပြု ကရင်တပ်မတော်(DKBA)၊ မြန်မာနိုင်ငံလုံးဆိုင်ရာ ကျောင်းသား များ ဒီမိုကရက်တစ်တပ်ဦး(ABSDF)နှင့် ငြိမ်းချမ်းရေးဖြစ်စဉ်တွင် ပါဝင်သည့် ဆက်စပ်အဖွဲ့အစည်းများ၊ ဖိတ်ကြားထားသော အထူးပုဂ္ဂိုလ်များ စုစုပေါင်း ၂၀၀ ခန့် တက်ရောက်ခဲ့ကြသည်။
ထို့အပြင် အလုပ်ရုံဆွေးနွေးပွဲတွင် ငြိမ်းချမ်းရေး အခြေခံအဆောက်အဦးများ တည်ဆောက်ခြင်း၊ မြန်မာနိုင်ငံ ငြိမ်းချမ်းရေးလုပ်ငန်းစဉ်အတွင်း ဆက်ဆံရေးရုံးများ၏ အခန်းကဏ္ဍ လေ့လာရေးစာစဉ်ဟူသည့် စာမျက်နှာ ၄၀ ပါရှိသော စာအုပ်တစ်အုပ်ကိုလည်း ဖြန့်ဝေခဲ့သည်။
Share:

0 comments:

Post a Comment